Hazrat Khidr ‎(Alaihis Salaam)‎‎

Selon la majorité de banne savants, Hazrat Khidr ‎(Alaihis Salaam)‎‎ ki pli reconnaite par Hazrat Khizar ‎(Alaihis Salaam)‎‎, li encore vivant. Ena ene bon quantité anecdotes ki fine rapporté lors ça sujet-là. Selon banne personnages pieux ki fine trouve li, zotte fine aussi joine li et fine gagne l'occasion conversé et bénéficié avec li.

Ena ene quantité récits fine rapporté concernant so l'existence dans banne lieux sacrés et banne l'endroit bénis. Sheikh Abou ‘Amr Ibn Salaah dire ki Hazrat Khizar ‎(Alaihis Salaam)‎‎ li encore vivant d'après l'opinion de la majorité de banne savants, banne personnages pieux et le public en général. (Commentaire lors Sahih Mouslim de Allaamah An-Nawawi rahmatoul-laahi ‘alayh (631-676))

[Extrait de Al Jamiat Vol.1 No.12]