Histoire

Aisha Bint Abou A’sim

D’après le Siyar A’laam An-Noubalaa de Allamah Az-Zahabi (décédé en 748 H), Aisha Bint A’sim ti ene madame bien dans Deen. Li fine reste sans mangé sans boire pendant plis ki 20 bananés. Allamah Az-Zahabi dire ki li fine tanne ça avec plusieurs personnes ki ti dans madame-là so l’époque. Vraiment étonnant ! Mais quand Allah Ta’ala oulé, tout kitchose capave arrivé. Coumsa même ti ena ene l’autre madame dans l’époque de Al-Mou’tadwid ki ti reste sans mangé boire pendant plis ki 20 bananés. Mangé boire li ene moyen pou reste vivant.

Hijrah

Hijrah li réfère à ça déplacement ki banne Sahaba-e-Kiraam ti faire depi Makkah à Madinah pou sauve zotte Imaan et zotte Deen. A l’époque, ça ti ene kitchose très essentiel. Ti pé considère ça comme ene ligne de démarcation entre sincère et non sincère. Ene ki pas ti disposé pou déplacé sans aukene raison valable pas ti pé être considéré comme ene musulman sincère.

Manaat ou bien nazar

Mannat ou bien nazar ou bien promesse ki dimoune habitué faire quand zotte oulé gagne kitchose, bizin faire li lors nom Allah Ta’ala seulement. C’est parceki mannat li ene ibaadat et ibaadat pas gagne droit faire pou personne apart Allah Ta’ala.

L'état d'esprit banne Sahaba-e-Kiraam

Banne Sahaba-e-Kiraam ti pé mort pou Deen. L'essentiel c'était aakhirat pou zotte. Zotte ti bien saisi le point ki ça dounia-là li temporaire. Acoze ça zotte ti prêt à sacrifié n'importe quoi si ça ti plaire Allah Ta'ala.

Valeur iman

Hercules ti offert à Hazrat Abdullah Bin Huzafah ‎(Radiyallahou anhou‎)‎ pou faire li vine so partenaire dans so royaume mais avec ene condition ki li vine ene chrétien. Mais Hazrat Abdullah Bin Huzafah ‎(Radiyallahou anhou‎)‎ fine rejette ça l'offre-là carrément. Li dire si to donne moi tout ceki to possédé et ceki banne Arabes possédé zisse pou mo quitte ça Deen-là quand même pou ene clin d'œil, ça aussi mo pas pou faire li. Lors ça Hercule fine menace pou touye li. Là aussi li pas fine cédé.

Fermeté lors Deen

Quand Hazrat Sa'd Bin Abou Waqqaas ‎(Radiyallahou anhou‎)‎ fine embrasse l'Islam, so mama fine mauvais mécontent. A tel point ki li fine menace pou arête mangé-boire tanque ki li pas quitte l'Islam. Mais Hazrat Sa'd Bin Abou Waqqaas ‎(Radiyallahou anhou‎)‎ pas fine cédé. Au contraire li fine faire so mama conné ki si so mama ti ena 100 la vie et li donne tous ça 100 la vie-là, là aussi li pas pou quitte ça Deen-là.

[Extrait de Al Jamiat Vol.4 No.9]

Hazrat Waslah Bin Ash-yam (R)

Ene fois Hazrat Waslah Bin Ash-yam (R) fine gagne faim. Alors li fine faire doah avec Allah Ta'ala. Ene grappe tamme enveloppé dans ene tissue en la soie fine tombé derrière so le dos. Alors li fine mange ça tamme-là et ça tissue-là fine reste ene bon boute le temps acote so madame. (Al-Furqaan par Allaamah Bin Taimiyah (R))

[Extrait de Al Jamiat Vol.4 No.5]

Syndicate content