L'état d'esprit banne Sahaba-e-Kiraam

Banne Sahaba-e-Kiraam ti pé mort pou Deen. L'essentiel c'était aakhirat pou zotte. Zotte ti bien saisi le point ki ça dounia-là li temporaire. Acoze ça zotte ti prêt à sacrifié n'importe quoi si ça ti plaire Allah Ta'ala.

Hazrat Abdullah Bin 'Oumar ‎(Radiyallahou anhou‎)‎ ti ena ene très jolie madame esclave ki ti appelle Marjanah ki li ti bien content. Ene fois li fine pense le verset selon lequel li très important pou dépense kitchose ki ene dimoune pli content pou li gagne le bienfait réel. A ce stade-là, li fine trouvé ki li content Marjanah plis ki tout ceki li ena dans so possession. Alors li fine donne li so liberté  acoze Allah Ta'ala.

Ena des fois dimoune so bien aimé li capave ene kitchose pli cher ki tout kitchose pou li. Pou sauve ça bien aimé-là li capave capave dépense tout so fortune si fallait. Dans certaine circonstance, ene dimoune li vine dans ene l'état d'esprit cote li capave dépense ça dounia-là aussi zisse pou li pas séparé avec so bien-aimé. Donc ça dimoune-là so bien-aimé li représente plis ki ça dounia-là. Donc li pas de trop si nou dire ki Hazrat Abdullah Bin 'Oumar ‎(Radiyallahou anhou‎)‎ fine sacrifié entier dounia pou le plaisir Allah Ta'ala dans libère Marjanah parceki Marjanah ti représente plis ki tout ceki ena dans ça dounia-là pou li. C'est ene l'esprit de sacrifice ki indispensable pou ene Iman parfait et ki banne Sahaba-e-Kiraam ti ena ça dans zotte.

[Extrait de Al Jamiat Vol.4 No.10]