Histoire

Hazrat Ahnaf Bin Qais (r)

Pendant ki ti pé enterre Hazrat Ahnaf Bin Qais (R), ene dimoune so bonnet fine tombe dans Qabar. Alors ça dimoune-là fine baissé pou prend so bonnet. Lers li baissé, li pé trouvé ki ça Qabar-là fine élargi ziska cote so regard capave allé. (Al-Furqaan par Allaamah Bin Taimiyah (R))

[Extrait de Al Jamiat Vol.4 No.5]

Objection ene novice lors Hazrat 'Oumar Bin Abdul Azize (R)

Uqbah Bin Nafi' fine dimane avec Fatimah Bint Abdul Malik, ki ti madame Hazrat 'Oumar Bin Abdul Azize (R) à propos so missié Hazrat 'Oumar Bin Abdul Azize (R). En réponse li fine dire:

"لا اعلم انه اغتسل من جنابة ولا من احتلام منذ استخلفه الله تعالى حتى قبضه"

"Mo pas conné ki li fine faire ghoussal pou janaabat ou ghoussal pou Ihtilaam (wet dream) depi ki Allah Ta'ala fine faire li vine Khalifah ziska ki li fine lève li."

Karaamat Ibrahim At-Taimi rahmatoullahi ‘alayh

“Ene fois Hazrat Ibrahim At-Taimi rahmatoullahi ‘alayh fine sorti pou alle cherche nourriture pou so la famille. Mais li pas fine réussi gagne narien. En retour, li fine traverse acote ene l’endroit ki so la terre ti rouge. Alors li fine rempli so sac avec ene ti pé ça la terre-là et li fine retourne so la caze. Quand li fine ouvert so sac, li fine trouvé ki ça fine converti en du blé couleur rouge.” (Al Fourqaan par Allaamah Ibn Taimiyah (R))

Kafan depi dans Jannat

Allah Ta’ala fine réserve banne grand grand cadeau pou so banne serviteurs privilégiés dans aakhirat. Et parfois ici dans dounia même, Allah Ta’ala donne ene ti réclame. Par exemple d’après ene anecdote ki Sheik-ul Hadice Hazrat Maulana Zakariyyah rahmatoullahi ‘alayh fine raconté dans so “Fazail-e-Hajj”, ene ti tifille esclave fine mort. So patron Mouhammad Bin Hussain Baghdaadi fine alle bazaar pou acheté banne kitchose pou kafan. A so surprise, quand li fine retourné, li fine trouve ça tifille-là enveloppé dans deux draps couleur vert bien parfumé.

Karaamat de ‘Amir Bin Abd Qais ‎(Radiyallahou anhou‎)‎

  •  Hazrat ‘Amir Bin Abd Qais ‎(Radiyallahou anhou‎)‎ ti pé ena deux milles dirham (pièce d’argent) dans so possession. En chemin, li ti pé donne tout charité ki dimane li sans compté. Ça pas ti pé diminué narien dans ceki li ti ena.
  •  Ene fois ‘Amir Bin Abd Qais ‎(Radiyallahou anhou‎)‎ fine traverse acote ti ena ene caravane ki ene lion ti bloque zotte chemin. ‘Amir Bin Abd Qais ‎(Radiyallahou anhou‎)‎ fine vine sitant près avec ça lion-là ki so linge ti pé touche ça lion-là.

Hazrat Haaritha bin Souraaqah ‎(Radiyallahou anhou‎)‎

Hazrat Haaritha Bin Souraaqah ‎(Radiyallahou anhou‎)‎ ti garçon Hazrat Ar-Roubayyi ‎(Radiyallahou anhou‎)‎. Hazrat Haaritha ‎(Radiyallahou anhou‎)‎ ti shaheed dans bataille de Badr. So mama ti envi conner cote so garçon été dans Aakhirat. En réponse Rassouloullah ‎(Sallallaahou A'laihi Wasallam)‎ fine faire li conné ki Hazrat Haaritha Bin Souraaqah ‎(Radiyallahou anhou‎)‎ li dans Al-Firdaus-al-A’la.

Dernier sahaabi

Tous banne ‘Oulama d’accord lors le fait ki le dernier Sahaabi ki fine quitte ça dounyaa-là c’est Abou-t-Toufail ‘Aamir Bin Waasilah al Jouhani ‎(Radiyallahou anhou‎)‎. Li fine quitte ça dounyaa là dans l’année 102 Hijri dans Makkah Moukarramah.

[Extrait de Al Jamiat Vol.2 No.3]

Syndicate content