Objection ene novice lors Hazrat 'Oumar Bin Abdul Azize (R)

Uqbah Bin Nafi' fine dimane avec Fatimah Bint Abdul Malik, ki ti madame Hazrat 'Oumar Bin Abdul Azize (R) à propos so missié Hazrat 'Oumar Bin Abdul Azize (R). En réponse li fine dire:

"لا اعلم انه اغتسل من جنابة ولا من احتلام منذ استخلفه الله تعالى حتى قبضه"

"Mo pas conné ki li fine faire ghoussal pou janaabat ou ghoussal pou Ihtilaam (wet dream) depi ki Allah Ta'ala fine faire li vine Khalifah ziska ki li fine lève li."

(Al Mirqaat commentaire lors Al-Mishkaat par Mulla Ali Al-Qaari)

L'auteur de Al Mishqaat, Sheikh Waliyuddeen Al-Khateeb aussi fine mentionne ça fait-là dans so اكمال فى اسماء الرجال (Ikmaal Fi Asma-Ir-Rijaal). Donc ki pas bon si Sheikhul-hadice Hazrat Maulana Zakariyyah (R) fine amene ça dans so Fazaa-il Amaal pou ene novice faire objection lors li? Li fine necque faire mention de la façon ki Hazrat 'Oumar Bin Abdul Azize (R) ti agir avec so madame pendant so règne.

Si ça li ene raison pou ça novice-là li objecté lors Sheikhul Hadice Maulana Zakariyyah (R), alors li bizin objecté lors Imam Boukhari et tous lezot savants de hadice parceki zotte aussi zotte fine mentionne ene cas pareil pou le Sahabi Abdullah Bin 'Amr ‎(Radiyallahou anhou‎)‎ ki ti engagé complètement dans ibaadat nuit et jour et ki pas ti alle ditout cote so madame.

Normalement li pas ene raison pou objecté lors celui ki fine rapporte ça. Bé eski en réalité li pas ene objection lors Hazrat 'Oumar Bin Abdul Azize (R)? Ça novice-là li déclare conne Deen plis ki Hazrat 'Oumar Bin Abdul Azize (R). Li ignoré ki rapport sexuel li droit missié et madame tous les deux. C'est zotte ki décide so fréquence. Ene madame capave cède so droit de relation sexuelle. Dans ce cas perna aukene la loi ki capave force missié-là pou ena relation avec so madame. Eski Hazrat Saudah (‎(Radiyallahou anhou‎)‎) pas ti cède so tour en faveur Hazrat Aisha ‎(Radiyallahou anhou‎)‎? Bé ki pas bon si Hazrat 'Oumar Bin Abdul Azize (R) pas fine ena rapport sexuel avec so madame pendant ki li ti Khalifah par ene accord entre les deux parties concernées?

Li impossible ki ene couma Hazrat 'Oumar Bin Abdul Azize (R) fine capave prive so madame de so droit malgré ki li fine continué réclame li. Si fine ena li, fine bizin ena li par ene consentement mutuel ki tout à fait permette et ki pas bizin aukene arbitrage de la part kit novice.

[Extrait de Al Jamiat Vol.3 No.10]