Ilm (la connaissance) et `amal (la pratique)

"Celui ki mette en pratique ene connaissance ki li ena. Allah Ta 'ala donne li ene connaissance ki li pas ti ena."

Hazrat "Oumar Bin Abdoul Aziz-fine dire : « C'est nou négligence dans mette en pratique ceki nou conné ki fine faire nou manque la connaissance de ceki nou pas conné. Si nou ti mette en pratique ene partie de ceki nou conné, nou ti pou bénéficié ene qualité connaissance ki peut être nou le corps pas ti pou capave tenir.

" Allah Ta'ala dire:-

"... Et observe taqwa pou Allah. Et Allah pou accorde ou la connaissance." (S2 V282)

C'est ene promesse de la part Allah Ta'ala pou celui ki pratique Deen ki li pou accorde li ene "Noor" dans so le cœur. Ça Noor-là pou aide li pou comprend Deen pli bien. Dans ene place Allah Ta'ala dire:

« O banne ki fine amene imaan ! Si ou observe taqwa (la piété) Allah Ta'ala pou mette à ou disposition ene moyen ki pou aide ou distingue entre la vérité et la fausseté. »

'Allaamah Al Qartabi dire:

« Quand ene serviteur observe taqwa avec so Rabb et cela en suivant banne commandements et par reste loin de banne interdictions et li quitte banne kikchose douteux afin pou pas tombe dans haraam, alors Allah rempli so le coeur avec sincérité, li embellir so banne membre le corps avec banne bon actions. »

[Extrait de Al Jamiat Vol.1 No.13]