La vie

Donne la vie

Ou la vie pas pou ou. Acoze ça ou pas gagne droit amene li couma ou content. Ou bizin amene li couma celui ki fine donne ou la vie, li content.

Perna personne apart Allah Ta’ala ki fine donne nou la vie. Donc bizin amene le vie d’après ceki Allah Ta’ala content. Vive d’après ceki Allah Ta’ala content appelle donne la vie à celui ki fine donne la vie.

Suicide

Quand ou la vie pas pou ou, veut dire ou pas gagne droit donne li pou narien. Donne la vie pou narien appelle suicide. Et suicide li haraam ki attire la colère Allah Ta’ala et ena ene punition bien sévère à gagné à coze ça.

Prend la vie

Quand ou pas gagne droit prend ou propre la vie, ou pas pou gagne droit prend la vie ene l’autre pli bien encore. Prend la vie ene seule dimoune li représente ene crime envers l’humanité en entier.

L’avortement

L’avortement aussi li ene façon pou prend la vie ene l’autre ki pas pou ou. Li capave dans ou ventre mais si ou la vie même pas pou ou, bé ki manière ceki dans ventre-là so la vie capave vine pou ou ! Donc ki manière ou capave prend la vie ki pas pou ou ! Ça aussi li représente ene crime envers l’humanité ene entier. Le plus grand coupable et pli grand terroriste c’est banne ki légalise li. Si touye ene ki pencore vine lors la terre li ene crime, bé touye ene ki pé viré tourné lors la terre, ki quantité grand crime li pou été.

Le terrorisme

Par cela nou capave gagne ene l’idée de ki quantité grand criminel ça banne pays ki fine bombarde banne innocents-là été. Et zotte ena toupé et l’audace dire ki toi ki ene terroriste. Mais laisse nou dire ki to pas ene terroriste. To ene pli grand humanisme. Appelle toi terroriste parceki to envie vive pou faire plaisir à ene seul Allah Ta’ala.

To arrête vive pou li, to vine pli bon camarade pou li. Ça veut dire to ene terroriste à coze to ene musulman. Et pou zotte le pli grand terrorisme c’est l’Islam. Mais en vérité le plus grand terroriste c’est banne-là ki pas laisse en paix banne ki oulé vive pou le plaisir Allah Ta’ala seulement !

Soutire banne coupable

L’abolition la peine de mort, ampute la main et lapider à mort pou banne délits de crime, coquin et adultère li représente soutire et tolère banne coupable. La tolérance pou banne coupable li représente l’insécurité de banne innocents. Le monde pas pou capave vive en paix tanque na pas roule li d’après le manuel de celui ki fine crée li.

Le Créateur Suprême c’est Allah Ta’ala li tout seul. Le manuel ki li fine accordé pou le bon déroulement de ça le monde-là c’est Qour’aan-e-Kareem. D’après ça manuel-là, banne coupables bizin être puni selon zotte délits et offense pou capave sauvegarde et garanti la paix, l’harmonie, tranquillité, protection et sécurité pou tout dimoune.

Ou pas faire du bien à ene dimoune quand ou laisse ene organe cancéreux avec li sans débarrasse li avec ça. Li pou capave paraite sans ene la main, sans ene li pied ou bien sans ene lizié. Mais après tout, so entier le corps pou dans bien. Au cas contraire, dans ene morceau jour ou pou bizin alle enterre li six pied enbas la terre. Coumsa même ene de banne individus cancéreux nuire et nuire la société en général bizin être éliminé pou capave débarrasse la société et laisse chaque individu dans ça société-là respire la fraîcheur de liberté, sécurité et de bien-être. Si non li pou vine ene société rempli de pourriture à cote banne bon dimoune vive renfermé dans zotte la caze couma banne prisonniers et banne coupables faire bal en dehors. Pou pas arrive nou ça, nou ena ene seul solution. C’est roule le monde d’après le manuel du Créateur Suprême. Et ça c’est Qour’aan-e-Kareem !

[Extrait de Al Jamiat Vol.1 No.13]