Mariage perna l’age

Si ou envi marié, ou ena tout ou droit pou marié quand ou capave prend la responsabilité mariage. Souvent ene madame divorcé ou bien ene madame veuve gagne difficulté pou faire ene l’autre ménage à coze banne z’enfants na pas oulé ça ou bien banne famille na pas content ça.

Quand ene personne de n’importe ki l’âge fine gagne ene partenaire approprié et correcte, li gagne droit marié et amene so la vie tranquille. Li pas bizin prend kikene compte quand li fine faire tout d’après shariat. Banne famille faudré pas zotte dire ki ça l’âge-là pou alle marié ! Parceki c’est la personne li tout seul ki conne so problème et so difficulté. Li senti ki li bizin marié. Faudré pas décourage li ou ça mette barre dans la roue !

[Extrait de Al Jamiat Vol.2 No.1]