Marriage

Pli faille dimoune – ene dernier dimoune

Ceki passé entre ene missié et ene madame li tout à fait halal. Mais shariah pas autorise raconte ça banne moments d'intimité-là à kikene. C'est ene secret entre deux personnes intimes et li bizin reste entre zotte même. D'après hadice, ene personne ki raconte so banne camarades ceki passé entre li et so partenaire, li qualifié de ene dernier dimoune. Li couma dire ene shaitaan ki pé alle dans ménage dans public. Alors c'est ene secret ça et li bizin reste ene secret.

Sajdah

Pa gagne droit courbé ou bien faire sajdah divant kikene apart Allah Ta’ala. Nabi (Sallallaahou Alaihi Wasallam) dire si ça ti permette pou kikene apart Allah Ta’ala, alors ene madame ti pou gagne l’ordre pou faire ça pou so missié. A la lumière de ça hadice-là nou comprend deux points :

1. Premièrement c’est necque Allah Ta’ala li tout seul ki mérite ki nou faire sajdah devant li.
2. Deuxièmement valeur ki Allah Ta’ala fine donne ene missié dans la vie conjugale. C'est-à-dire le respect ki ene madame bizin ena pou so missié.

Sajdah

 

Pa gagne droit courbé ou bien faire sajdah divant kikene apart Allah Ta’ala. Nabi (Sallallaahou Alaihi Wasallam) dire si ça ti permette pou kikene apart Allah Ta’ala, alors ene madame ti pou gagne l’ordre pou faire ça pou so missié. A la lumière de ça hadice-là nou comprend deux points :

Who can be who 4 U !!!

Ene missié li marié avec ene madame. Ça missié-là li ena ene garçon avec so premier madame et ça madame-là aussi ena ene tifille avec so premier missié. Eski ça garçon-là capave marié avec ça ti fille-là ? D’après Shariah zotte gagne droit marié parceki zotte pas frère sœur. Ni zotte papa ene et ni zotte mama ene. Ça montré ki ça ti fille-là bizin faire pardah avec ça garçon-là.

LE MARRIAGE - النّكاح

Ki veut dire nikah?

Nikah d'après so sens littéral li signifié relation sexuelle. Et dans langage commun li signifié ene contrat entre deux personnes par lequel zotte vine missié-madame. Ça deux personnes-là, ene bizin de sexe masculin et l'autre de sexe féminin.

Couma ene contrat nikah conclure?

Fréquenté

Garçon tifille pas gagne droit fréquenté avant nikah. C’est ene la vie dans haraam. Malheureusement banne parents aussi zotte tolère ça pratique-là. Banne parents ki content zotte zenfants, zotte bizin pas occasionne ça pratique-là. Zotte mette zotte zenfants sous malédiction divine. Et l’autre coté zotte aussi gagne malédiction Allah Ta’ala. Ki ena si fini marié zotte ene fois ? Eski banne préparations et banne fantaisies pli important ou bien évite haraam ki pli essentielle ? Acoze nou banne fantaisies personnelle nou retarde mariage.

Mangé dan poubelle

La polygamie ou bigamie fine existé de tout le temps. Mais dimoune qualifié li de tous banne vilain noms ki zotte gagné. Quand nou dire li existé, ça pas veut dire ki nou pé encourage dimoune faire li. C’est zisse pou montré ki li ene pratique tout à fait halaal. Ene kitchose ki Rassouloullah ‎(Sallallaahou A'laihi Wasallam)‎ et so banne Sahaba-e-Kiraam fine pratiqué, faudré pas critique ça. Ena chance perdi imaan. Bizin bien prudent quand coze ça. Faudré pas nou guette ceki lezot pensé lors-là.

Syndicate content