Marriage

Pli bon richesse

Ene dimoune ki ena ene la langue ki reste engagé dans prend nom Allah Ta’ala, ene le cœur ki rempli avec reconnaissance pou Allah Ta’ala et ene bon madame dans Deen ki aide li pou préserve so Deen, alors li fine gagne pli bon richesse.

[Extrait de Al Jamiat Vol.6 No.5]

La jalousie

Tout dimoune même capave éprouve la jalousie plus ou moins. Et ça li incontrôlable. Acoze ça li pas ça mauvais-là. Ceki pas bon c’est quand ene dimoune li agir ou réagir avec la jalousie. Et ça li bien pas bon. Et c’est ça même genre de la jalousie ki ene dimoune li appelé à combattre d’après shariah et c’est ça même ki li dans contrôle ene dimoune. Ene kitchose ki amène ou pou souhaite malheur ou prochain li bizin ene dernier kitchose même. La jalousie li aveuglé ene dimoune à tel point ki li pas trouve narien bon dans ça dimoune ki li ena la jalousie pou li.

Ene bon madame

Ene bon madame c'est ene madame ki conne garde so l'honneur et préserve so la chasteté. Li pas gaspille banne kitchose so missié. Li comporte li en sorte ki li attire so missié. Li ene la mode zordi jour pou faire la mode nek pou lizié dimoune ça li donne ene tres mauvaise impression.

Ene bon missié

Ene bon missié c'est ene missié ki gentil envers so madame. Li agir bien avec li et li donne li so banne droits dans ene façon digne et convenable. Li pas insulté li ni li blesse so sentiment. Ça pas veut dire ki li tolère li dans pas pratique Deen. Ene gentillesse à ene tel degré ki faire ene dimoune néglige so devoir et so responsabilité envers so Rabb li blâmable et détestable dans lizié Allah Ta'ala. En faisant cela, ene missié au lieu vine ene bon missié, li vine ene complice et ene missié soutireur.

Décrire ene madame devant ene missié

Faudré pas ene madame li rente avec ene l’autre madame dans ene façon ki madame-là vine décrire li divant so missié couma dire li pé trouve li (Boukhari)

Ça li applique pou banne ki prend plaisir dans raconté et écouté. Mais donne ene ti peu détaille à kikene ki intéresse pou avoye demande en mariage li permette. Là-aussi bizin bien prend précaution parceki dimoune trop malhonnête. Zotte capave passe par prétexte mariage zisse pou satisfaire zotte désir.

La vie fréquenté

La vie fréquenté c’est purement zina mais nou pas pé prend compte. Divant nou lizié kikene vine dans nou la caze et li fréquente nou tifi!!! Pena doute c’est zina.

Mette désordre dans ene ménage

Dimoune marié pou tout le temps. Mariage li pas ene badinage. Oui, quand li difficile continué avec l’harmonie, alors capave termine li aussi en beauté. Mais en principe c’est ene l’union ki bizin préservé tanque capave. Parfois pena aukene problème entre missié madame. C’est necque ene l’autre ki rode mette désordre. Li bien grave. Nabi ‎(Sallallaahou A'laihi Wasallam)‎ fine dire : « ça dimoune ki gate ene madame conte so missié li pas parmi nou. »

Syndicate content