Ene bon missié

Ene bon missié c'est ene missié ki gentil envers so madame. Li agir bien avec li et li donne li so banne droits dans ene façon digne et convenable. Li pas insulté li ni li blesse so sentiment. Ça pas veut dire ki li tolère li dans pas pratique Deen. Ene gentillesse à ene tel degré ki faire ene dimoune néglige so devoir et so responsabilité envers so Rabb li blâmable et détestable dans lizié Allah Ta'ala. En faisant cela, ene missié au lieu vine ene bon missié, li vine ene complice et ene missié soutireur.

Ene bon missié li bizin faire so madame applique la loi Allah Ta'ala. Mais bizin conne faire applique li. Ene manque de doigté et de sagesse dans faire applique principe capave dégénère la situation à ene stage irréparable aussi parfois. Donc bizin prend conseil avec banne personne sage, honnête, expérimenté et ki ena connaissance de Deen. Faudré pas faire li brite. Bizin faire li avec la sagesse.

[Extrait de Al Jamiat Vol.6 No.3]