Mette désordre dans ene ménage

Dimoune marié pou tout le temps. Mariage li pas ene badinage. Oui, quand li difficile continué avec l’harmonie, alors capave termine li aussi en beauté. Mais en principe c’est ene l’union ki bizin préservé tanque capave. Parfois pena aukene problème entre missié madame. C’est necque ene l’autre ki rode mette désordre. Li bien grave. Nabi ‎(Sallallaahou A'laihi Wasallam)‎ fine dire : « ça dimoune ki gate ene madame conte so missié li pas parmi nou. »

D’après banne ‘Oulama ça li applique pou ene celui ki monte la tète ene missié contre so madame aussi. Zordi jour ena bien tigite dimoune ki capave donne ou bon conseil avec sincérité. Banne couples bizin prend zotte précaution. Dimoune nepli capave guette dimoune vive dans bien. Acoze ça bizin pas écoute tout dimoune. Ou camarade capave donne ou ene quantité conseille ki capave bouleverse ou la vie conjugale. Zotte capave rempli ou zoreille avec banne causé ki pena aukene utilité apart ranne ou même misérable. Toujours bizin prend conseille avec banne dimoune ki bien Deendaar et ki ena connaissance de Deen ki pou conseille ou d’après Deen. Zotte pou aide ou pou trouve ene ti pé plis loin. Pas gagne embêté avec jouissance temporaire. Bizin calcule l’avenir bien.

[Extrait de Al Jamiat Vol.5 No.12]