Marriage

La polygamie

La polygamie veut dire marié avec plis ki ene madame. Ene zomme musulman ena droit marié ziska 4 madames à la fois. Mais li bizin traite tous so banne madames pareil. Traite tous banne madames pareil li applique ziste dans banne zaffaires matériels couma mangé-boire, l'habillement, logement et resté pendant la nuit. C'est-à-dire li bizin reste ene-ene nuit acote chakene. Li pas gagne droit reste deux nuits cotte ene et ene seul nuit cote ene l'autre. Li bizin donne chakene le même nombre de nuit.

La loi M.P.L

La loi M.P.L c'est la loi Allah Ta'ala. La loi ki Allah Soubhaanahou Wa Ta'ala fine révélé dans Qour'aan et fine enseigné par Nabi ‎(Sallallaahou A'laihi Wasallam)‎ couma ene musulman bizin vive et comporte li en ceki concerne so la vie mariage et l'héritage etc. Bizin faire bien attention quand pé discute M.P.L avec banne camarade ou bien dans banne commentaires ki nou faire à propos M.P.L.

L’état d'esprit ene vrai musulmane - la polygamie

Question : Ki ou dire lors la polygamie?

Conne choisir ou partenaire

Mariage pas faire pou ene jour deux jours. Ça faire pou la vie la mort. Pou ki ene l’union ena l’harmonie, bizin conne choisir ou partenaire ki ou ena pou vive avec li la nuit lijour. Rassouloullah ‎(Sallallaahou A'laihi Wasallam)‎ fine conseille nou pou considère le coté Deen quand nou choisir nou partenaire. Parceki quand ene dimoune pou ena Deen dans le vrai sens, li pou conne vive avec so camarade. Dans vive avec nou camarade, nou bizin conne respecté so droit. Deen li montré ene dimoune conne respecté droit so camarade.

Fréquenter

Quand ene tifille gagne demane et tous les deux partis fini tombe d’accord, garçon commence allé-vini cote tifille. Nou appelle ça fréquenté. Tellement nou fine habitué avec tanne dire fréquenté ki nou nepli éprouve aukene dégoût pou ça. Malgré ki ça pratique-là li ene pratique haraam. Ceki pli grave là-dans c’est ki ça haraam-là li déroulé dans la caze avec consentement mama papa et toute la famille. Perna doute ki fréquenté li ene genre de zina ki li ene péché très grave.

Rode facilité

Tous dimoune content gagne facilité dans la vie. Et li ene droit légitime de tout un chacun. D’après shariat aussi li pli bon ki ene dimoune choisir ene kitchose facile. Rassouloullah ‎(Sallallaahou A'laihi Wasallam)‎ aussi ti pé choisir ceki pli facile quand li ti ena choix entre deux kitchose ki permette.

Donc rode facilité li ene kitchose tout à fait naturel et normal. Ça veut dire ene dimoune ki ena facilité mais malgré ça li complique so la vie, li ene dimoune pas normal.

Problème Belle-mère et Belle-fille

Le problème belle-mère/belle-fille ena li presque partout. Ene belle-mère jamais li pou capave prend place ene mama. Coumsa même ene belle-fille jamais li pou capave prend place ene tifille. C’est parceki ene belle-mère li pas pou capave content so belle-fille couma li content so tifille. Et ene belle-fille aussi pas pou capave content so belle-mère couma li content so mama. Ça c’est ene question de sentiment. Ene dimoune pas capave force so sentiment pou content kikene.

Syndicate content