Un Monde à l’Envers

Aujourd’hui dans ene l’époque nou apé vive

Cote là li pas facile pour vive.

Malgré ça ena tout qualité dimoune apé coze Deen

Parceki peut-être nou fine comprend valeur Deen.

Ena apé coze li avec connaissance,

Mais ena aussi ki apé coze li par nafsanniyyat ou par l’ignorance.

Ene deux l’exemple nou pou montré,

Comment Deen apé trafiqué...

Quand ene dimoune alle marié civil

Li pas trouvé ki li pé faire la vie vine difficile

Car li apé badine avec so Deen

En donnant code Napoléon préférence lors la loi de so Deen.

Mais quand vine question lors la partage,

Là li pas faire l’étalage.

Imaam et Maulana li alle guetté

Pou l’héritage ki li pou gagné bizin plis ki so soeur été.

Astere si so tifi arrivé divorcé

Vers ki chemin li pou gagne accès?

La loi Allah Ta’ala li pas pou accepté

Parceki là-dans perna ceki li souhaité.

D’après la loi de so Deen

Mentionné ki pou so tifi ki dans Deen

Après Talaaq et Iddat, lors so mari li na pena aukene droit.

Et c’est ça même so droit.

Pou li sauve so l’intérêt li rode secours.

Vers code Napoléon li alle cherche secours.

Soi-disant pou so tifi vine “sociale”

En gagnant plus de “sécurité sociale”.

Voilà couma ça Dounya-là, lors nafsanniyyat, apé roulé.

En l’envers li apé roulé

Quand arrive Ramzaan et 20 Rakaats Taraaweeh

Eski nou dire non ou nou dire oui?

20 Rakaats Taraaweeh, tous les 4 Imaams d’accord lors là.

Nou ki nou ena pou dire lors là!

Fausse prétexte nou tiré pou ça,

Ki Raçouloullah ‎(Sallallaahou A'laihi Wasallam)‎ pas fine faire ça.

Mais tout ça-là c’est nafsanniyat ça

Parceki pou faire 20 Rakaats bizin ena fiel pou ça.

L’heure question la lune vini

Banne preuves, vraie ou fausse, nou faire vini.

Ki 300 Ou’lamaa zotte consensus dire:

Et vraiment ça li bien dir.

“Ki visibilité ene pays

Bizin appliqué lors l’autre pays”*

Comme preuve qui zotte amené?

L’opinion de seulement 3 Imaams, pas 4 nou amené.

Quand 20 Rakaats Taraaweeh dimoune faire.

Nou décourage zotte pou faire.

Quand lors-là tous les 4 Imaams d’accord.

Mais seulement nou, nou pas oulé tombe d’accord.

Ça ki appelle l’incohérence,

Li vine par nafsanniyyat ou par l’ignorance

Banne frères et soeurs ene conseil pou ou.

Et ça li pou aide ou.

Avec ça ou la vie pou vine facile,

Car Deen vraiment li pas difficile.

Allah Ta’ala et So Rassoul ‎(Sallallaahou A'laihi Wasallam)‎

Montré nou pou suivre oussoul (principe).

Et empêche nou pou suivre nafsanniyyat et l’ignorance

Et banne dimoune ki perna connaissance.

*Note: Ici nou pas interfère avec la question si pas li appliqué ou non.

[Extrait de Al Jamiat Vol.2 No.1]