Difficulté dans vine bon

Tout kitchose ena so difficulté couma ena so facilité. Quand ene dimoune change so la vie, li capave faire face avec certaines obstacles et certaine difficultés. Mais faudré pas li découragé. Li bizin continué faire z’effort. Ene fois ki li fine adapté, tout pou vine facile. C’est manque d’adaptation ki faire ene dimoune senti difficulté. Quand nou pencore adapté avec ene travail ou bien avec ene mangé ou bien avec ene l’environnement, li tout à fait normal ki nou pou éprouve certaines difficultés. Mais quand fine adapté, ça même l’environnement et ça même travail capave paraite pli bon pou nou.

Eski li pas vrai si nou empêche ene z’enfant marché acoze ça dimal ki li gagné dans tombe-tombé, ça z’enfant-là capave reste paralysé lors lilit ? Coumsa même si acoze certaine difficulté nou rechange direction, nou pou paralysé spirituellement !

Le remède

Nou pé vive dans ene société cote la grande majorité de so banne membres pé souffert ça genre de paralysis-là. Le seul remède li trouve dans renforci ça volonté ki ene dimoune montré dans commencement pou vine bon. Parceki ça volonté ki li ena dans commencement, li perdi so la force avec le temps ki souvent des fois faire li change direction. Alors li dimane renforcissement. La façon ki préconisé pou renforci ça volonté-là c’est faire zikroullah abondamment et reste en compagnie ene ki stable dans Deen. Ene ki stable dans Deen c’est ene Sheikh Kaamil ou ene guide spirituel ki inspire confiance de par so connaissance dans Deen et so comportement.

[Extrait de Al Jamiat Vol.2 No.3]