Pas gagne droit faire ene kitchose ki contre le sounnah de nou Nabi ‎(Sallallaahou A'laihi Wasallam)

Pou dire ki ene kitchose pas gagne droit faire, li pas nécessaire ki ça kitchose-là li haraam. Quand ene kitchose li makrouh tahreemi, ça aussi pas gagne droit faire. Coumsa même nou gagne droit dire pas gagne droit faire ene kitchose quand ça kitchose-là li contre le Moubaarak Tareeqah et sounnah de nou Nabi ‎(Sallallaahou A'laihi Wasallam)‎. Et surtout quand néglige ene principe et ene sounnah Rassouloullah ‎(Sallallaahou A'laihi Wasallam)‎ régulièrement, ça li bien grave encore. Parceki prend l’habitude néglige ene sounnah li indique comme ene genre de l’affront. Acoze ça, ça aussi pas gagne droit couma commette ene haraam pas gagne droit. Li vrai ki commette haraam li pli grave ki néglige ene sounnah. Mais couma ene pas gagne droit, l’autre-là aussi pas gagne droit.

[Extrait de Al Jamiat Vol.2 No.3]