Miscellaneous

Marchandise de commerce

Marchandise de commerce c’est ene l’article ou objet ki ene dimoune acheté li avec l’intention pou revanne li. Li pas nécessaire ene dimoune li ene commerçant ou ene businessman pou ene objet vine marchandise de commerce. L’intention ki li faire pou revanne li au moment ki li acheté ene certaine kitchose li sufi pou faire li vine ene marchandise de commerce. Li pas nécessaire être ene commerçant de par so profession.

Moushtabihaat

Ki veut dire moushtabihaat?

 C'est ene kitchose ki ena ene genre de confusion parceki ena tous les deux possibilités. C'est-à-dire li capave halaal couma li capave haraam acoze ki ena tous les deux qualités preuve. Quand nou guette ene, li donne l'impression ki li bizin halaal et quand nou considère l'autre preuve, ça faire nou hésité et empêche nou accepté li comme halaal.

Règlement concernant Moushtabihaat

Banne nuits ki recommandé passe dans ibaadat

Banne nuits ki recommandé passe dans ibaadat, nou ena 10 derniers nuits de ramadhan, la nuit de Eid, la nuit de Baqr Eid, 10 nuits de Zulhijjah et 15eme nuit de Sha’baan. Mais bizin passe ça dans la caze. Li pas bon passe li en jamaat dans masjid. Banne Fouqaha fine qualifié la pratique passe ça banne la nuits-là en jamaat dans masjid de makrouh c'est-à-dire ene pratique indésirable et détestable. Dimoune faire ibaadat pou approché avec Allah Ta’ala.

Eski li Moubaah ?

Moubaah c’est ene degré de l’autorisation. Ene pratique li reste Moubaah (autorisé) tanque li pas nécessite néglige ene principe de Deen. Coumsa même li pou reste Moubaah tanque li pas vine ene moyen pou tombe dans ceki pas permette. Si nou faire khutbah dans ene l’autre langue, bé sans doute li pou nécessite pas faire li en arabe. Donc à ce stade nou bizin conne l’importance faire khutbah en arabe. Nou tous conné ki Nabi ‎(Sallallaahou A'laihi Wasallam)‎ so banne khutbah ti en arabe.

Points à noter …

  1. Ene dimoune pas gagne droit imagine ene l’autre dans place so madame quand li pé alle dans ménage. C’est ene genre de zina.
  2. Li bon si ene madame li pas vine dans ene tenue légère divant ene l’autre madame ki pas sérieux dans Deen parceki ena toute chance ki li décrire li divant banne zommes étrangers.
  3. Couma pas gagne droit guette cheveux ki lors la tète ene madame étrangère, coumsa même pas gagne droit guetté quand li fini grainé aussi.

Garde li chien

Ene dimoune li faire li même ene grand ditort quand li garde li chien zisse pou plaisir acote li. Nou content bénédiction dans nou la caze. Banne farishta ki amène bénédiction dans nou la caze, zotte arrête vini quand ena ene li chien dans ça la caze-là. Ça prive nou de bénédiction divine. Apart ça nou faire ene l’autre défaite en terme récompense. C'est-à-dire la valeur de ene ou deux Qeeraat diminué tous les jours depi dans nou banne récompenses. Ça même ki appelle défaite lors défaite.

L’affiche ki ena nom Allah Ta’ala dans poubelle

Parfois ou trouve l’affiche ki ena nom Allah Ta’ala dans poubelle. Alors bizin trouve ene solution. Tanque capave bizin evite mette nom Allah Ta’ala, nom Rasouloullah ‎(Sallallaahou A'laihi Wasallam)‎ ou bien banne versets Qour’aan et hadice lors l’affiche. Bizin trouve ene moyen pou passe nou message sans expose ça banne kitchose ki dimane respect à ene situation pareil.

[Extrait de Al Jamiat Vol.5 No.1]

Syndicate content