Points à noter …

1. Ene dimoune pas gagne droit imagine ene l’autre dans place so madame quand li pé alle dans ménage. C’est ene genre de zina.
2. Li bon si ene madame li pas vine dans ene tenue légère divant ene l’autre madame ki pas sérieux dans Deen parceki ena toute chance ki li décrire li divant banne zommes étrangers.
3. Couma pas gagne droit guette cheveux ki lors la tète ene madame étrangère, coumsa même pas gagne droit guetté quand li fini grainé aussi. Ene madame bizin ramasse so banne cheveux ki grainé et pas laisse li traine trainé.
4. Mange ene quantité ki permette ene dimoune faire so banne ibaadat avec facilité li faraz. Mange plein vente li moubaah c'est-à-dire li autorisé. Mais dépasse ça limite-là li haraam.
5. Pas gagne droit mette ene pantalon ou pyjama ene longueur ki li couvert cheville. Bizin laisse cheville reste découvert. Ça li applique pou namaz et pou en dehors namaz tous les deux et li applique pou banne missié seulement.
6. Tire photo banne kitchose ki ena la vie li haram. Si ou fine tire photo ou mariage ou bien si ou fine faire filmé, bé ki ou pou faire si demain ou mariage cassé? Disons ou pou détruire li bé eski ou camarade aussi pou faire pareil ? Apres rupture ou mariage ou fine fini faire ene l’autre nikah mais ou photo et ou film li pou avec ene l’autre dans so l’armoire ou bien dans so gallérie. Eski li joli ça ? Après tout, li ene offense grave ki so conséquence aussi bien grave. Dimoune intelligent pas faire travail ki faire li ditort et ki li bien néfaste pou so bien être.
7. Garde ou la barbe acoze li ene sounnat de nou bien aimé Nabi ‎(Sallallaahou A'laihi Wasallam)‎. Pas attane li vine la mode ene kaafir pou ou garde li.

[Extrait de Al Jamiat Vol.7 No.8]