Banne nuits ki recommandé passe dans ibaadat

Banne nuits ki recommandé passe dans ibaadat, nou ena 10 derniers nuits de ramadhan, la nuit de Eid, la nuit de Baqr Eid, 10 nuits de Zulhijjah et 15eme nuit de Sha’baan. Mais bizin passe ça dans la caze. Li pas bon passe li en jamaat dans masjid. Banne Fouqaha fine qualifié la pratique passe ça banne la nuits-là en jamaat dans masjid de makrouh c'est-à-dire ene pratique indésirable et détestable. Dimoune faire ibaadat pou approché avec Allah Ta’ala. Ça li réalisé quand li faire ça ibaadat-là d’après le moubaarak sounnat de nou Nabi ‎(Sallallaahou A'laihi Wasallam)‎. Passe ça banne nuits-là en jamaat dans masjid li conte sounnat de Nabi ‎(Sallallaahou A'laihi Wasallam)‎. Ene dimoune li ranne li détestable et indésirable dans lizié Allah Ta’ala par alle conte sounnat de Nabi ‎(Sallallaahou A'laihi Wasallam)‎. Dans la même façon faire namaz tahajjud, namaz awwabeen ou bien namaz tasbeeh avec jamaat li conte sounnat de Nabi ‎(Sallallaahou A'laihi Wasallam)‎. Au lieu approché, li éloigne li avec Allah Ta’ala.

[Extrait de Al Jamiat Vol.7 No.11]