Marchandise de commerce

Marchandise de commerce c’est ene l’article ou objet ki ene dimoune acheté li avec l’intention pou revanne li. Li pas nécessaire ene dimoune li ene commerçant ou ene businessman pou ene objet vine marchandise de commerce. L’intention ki li faire pou revanne li au moment ki li acheté ene certaine kitchose li sufi pou faire li vine ene marchandise de commerce. Li pas nécessaire être ene commerçant de par so profession. Par exemple ene dimoune fine acheté ene certaine kitchose dans l’occasion ki ti pé vendé bien bon marché mais li ti ena l’intention pou li revanne li quand li ti pé acheté li. Alors ça marchandise-là li ene marchandise de commerce. Mais si li ti ena l’intention pou servi li et en cas si li gagne ene bon prix, li pou vanne li, alors ça li pas pou vine ene marchandise de commerce. C'est-à-dire si li pena ene l’intention fixe quand li acheté ene marchandise, alors li pas pou vine ene marchandise de commerce.

[Extrait de Al Jamiat Vol.8 No.6]