Accepté cadeau

"Celui ki recevoir ene bon kitchose de la part de so frère (musulman) sans dimandé et sans ene l'esprit de gourmandise, alors li accepté li. Faudré pas li refuse accepté li parceki c'est ene faveur ki Allah Ta'ala fine amene ça vers li." (Hadice)

Ça li recommandé surtout quand li amene contentement dans le cœur ça frère musulman ki offert ça cadeau-là. A moins si ça cadeau-là li ene kitchose ki pas permette dans l'Islam ou bien la personne ki pé offert li cadeau, ena kit l'intérêt injustifié, à ce moment-là bizin pas accepté li. Par exemple si kikene offert ene bouteille whisky, ene statue, ene poupette ou bien ene l'autre kitchose ki ena forme zanimau etc..., alors ça banne kitchose-là faudré pas accepté. Parceki ena désobéissance Allah Ta'ala dans accepté ça banne kitchose-là. Coumsa même si ene garçon donne ene tifille ene cadeau et vice versa, alors faudré pas tolère banne pratique pareille parceki perna narien louable derrière banne cadeau pareille.

[Extrait de Al Jamiat Vol.2 No.3]