Ikhlaas

Ikhlaas c’est la volonté pou faire ene travail seulement pou faire Allah Ta’ala plaisir. Quand ene dimoune ena Ikhlaas, li perna aukene but dans faire n’importe ki travail apart ene seul kitchose : Ziste li oulé ki Allah Ta’ala content. Apart ça li pas oulé narien. Ça c’est ene kitchose très très important. Parceki sans ça, aukene action pas compté. Et quand ena ça, ene ti travail aussi ena grand valeur dans liz’ié Allah Ta’ala. Avance ene  ti roche pou faire Allah Ta’ala plaisir, li boucou pli valeureux ki casse ene montagne sans Ikhlaas. Acoze ça même, ena des fois, dépense l’or la quantité montagne Uhud aussi pas capave mette pariage avec ene ti quantité tamme ki fine donné en charité pou faire Allah Ta’ala plaisir. Couma faire ene kitchose ziste pou faire Allah Ta’ala plaisir appelle Ikhlaas, coumsa même faire ene bon travail avec l’espoir pou gagne jannat aussi appelle Ikhlaas. Dans la même facon, reste loin avec banne kitchose ki Allah Ta’ala fine empêché par la peur de jahannam aussi appelle Ikhlaas.

Allah Ta’ala dire :

« … Et peur ça du feu ki fine préparé pou banne kaafir. » (S3 V131)

[Extrait de Al Jamiat Vol.2 No.3]