Istighfaar

Istighfaar veut dire dimane pardon avec Allah Ta’ala pou banne péchés ki fine faire.

Tous dimoune bizin dimane pardon avec Allah Ta’ala tout le temps parceki tous dimoune li coupable pou certaine manquement dans ene façon. Rassouloullah ‎(Sallallaahou A'laihi Wasallam)‎ même ti pé dimane pardon 70 à 100 fois dans ene jour.

“O Allah ! Pardonne moi mo banne tipti et mo banne grand péchés ki mo fine faire avec connaissance et banne péchés ki mo fine faire par négligence par to grâce.”

“O Allah ! Perna personne ki capave pardonne péchés apart Toi.”

“O Allah ! Mo perna aukene refuge apart Toi.”

“O Allah ! Ouvert la porte de To grâce pou moi.”

“O Allah ! Mo perna aukene la porte pou tappé apart To la porte.”

“O Allah ! Pitié moi, gracié moi et enveloppe moi avec To bénédiction parceki To même le Grand Pardonneur.”

[Extrait de Al Jamiat Vol.2 No.7]