Fi sabeelillah

Fi Sabeelillah ou bien dans chemin Allah, c’est ene terme ki, en général, dimoune comprend jihaad par ça. Et quand nou dire jihaad, nou pas capave empêche nou pense champ de bataille. Mais en réalité c’est ene terme pli ouvert ki ça ki renferme tout kikchose ki ene dimoune faire pou faire Allah Ta’ala plaisir.

Dans ene hadice, Rasouloullah ‎(Sallallaahou A'laihi Wasallam)‎ fine dire :

“Perna aukene dimoune ki so lipied fine gagne la poussière dans chemin Allah Ta’ala, ki du feu (l’enfer) pou touche li.”  (Boukhari).

C'est-à-dire quand ene dimoune li faire kit zeffort pou faire Allah Ta’ala plaisir et acoze ça la poussière fine gagne dans so li pied, alors du feu l’enfer pas pou touche li.

Ça faire zeffort-là li pas nécessaire alle la guerre dans champ de bataille avec l’ennemi. Li capave ene l’autre kikchose ki perna la guerre là-dans. Couma aide ene frère musulman, faire kikene gagne ene travail, depanne kikene, amene kikene l’hôpital, alle masjid, alle quelque part pou enseigne deen ou apprane deen. Tout ça-là li Fi Sabeelillah à condition ki fine faire li pou faire Allah Ta’ala plaisir. Ki quantité bon et généreux, Allah Ta’ala été, ça li inestimable. Lors simple simple action, li promette nou grand grand kikchose.

[Extrait de Al Jamiat Vol.2 No.7]