Moubaah

Moubaah c’est ene kitchose ki permette. Perna aukene récompense dans faire li couma perna aukene péché si pas faire li. C’est necque par l’intention ki ene moubaah vine ene action de mérite ou ene action de péché. Par exemple ene personne ki pas tellement nécessaire ena ene l’auto, gagne droit acheté ene l’auto pou faire banne sorti ou alle promené. Ça quantité-là li moubah.

Principe concernant moubah

Ene moubah li capave vine ene action de sawaab couma li capave vine haraam aussi. Ça dépanne lors l’intention ki ene dimoune ena dans faire li. Par exemple si ene dimoune acheté ene l’auto avec l’intention pou servi li dans travail de Deen, alors ça li pou vine ene action de sawaab. Par contre si fine acheté li pou alle dans banne mauvais places couma cinéma, casino, club, boite de nuit etc., alors ça li pou ene fardeau pou la personne. A noter ki ça raisonnement-là li pas appliqué dans banne kitchose ki haraam. Par exemple coquin dimoune avec ene bon l’intention pou aide banne pauvres pas faire ça coquin-là vine halaal. C'est-à-dire ene bon l’intention pas capave faire ene haraam vine halaal. Haraam pou reste so haraam.

Quant à ene bon action, bizin faire li avec la sincérité pou ça action-là. Si en cas pas pé capave contrôle l’intention, alors faudré pas arrête faire ça bonne action-là. Bizin faire z’effort pou corrige l’intention et continué faire ça bonne action-là. Apres ene morceau jour, li pou vine ene l’habitude. Quand ene action vine dans l’habitude ene dimoune, l’intention pou montré liziyé dimoune pas resté. Li vine couma ça causé ki dire : “L’habitude pas vantard.”

[Extrait de Al Jamiat Vol.2 No.8]