Oui ou non

 Ena so Oui couma ena so Non dans la vie. Li pas seulement Oui ni li seulement Non. Ena tout les deux. Ene dimoune bizin conné quand pou dire Oui et quand bizin dire Non. Si ou dire Oui à tout ceki ou madame dire ou, ou pou vine ene bon complice et ene bon soutireur. Coumsa même si ou dire Non dans tout kitchose, ou vine ene dimoune négatif et bien difficile. Avec manque d'expérience et l’age enbas l’age et surtout avec banne l'étalages dans la vie, li difficile pou ou même conné par ou, cote bizin dire Oui et cote bizin dire Non. Ou bizin profité et bénéficié avec banne ki fine dire ene quantité Oui et ene quantité Non dans zotte la vie et zotte fine gagne l'occasion observe et analyse banne conséquences de ça banne Oui et de ça banne Non-là. Si ou oulé faire ou propre l'expérience ou pou répète l'histoire sans aukene utilité pou "rewind" li. Eski li pas ti pou pli joli ki ou tanne ene l'autre mélodie au lieu faire ene replay ? Sinon jamais pou ena l'avancement. C'est acoze ça même nou trouvé ki banne jeunes de nos jours fine faire grand l'avance dans domaine matériel mais en ceki concerne domaine spirituel, zotte fine faire recul lors recul. Cela acoze en ceki concerne domaine matériel, chaque génération fine continué depi cote génération d'avant ti arrivé mais en ceki concerne domaine spirituel, chakene pé oulé refaire so propre l'expérience sans oulé bénéficié avec so précèdent. Donc nou bizin conne dire Oui couma nou bizin conne dire Non dans la vie. Et nou bizin apprane cote pou dire Oui et cote pou dire Non avec banne ki integre de par zotte connaissance et comportement islamique:

Nou bizin ena le courage dire Non à banne tentation et banne passions. Ça pou facilite nou pou dire Oui à banne sacrifices dans Deen pou le plaisir Allah Ta'ala.

[Extrait de Al Jamiat Vol.2 No.11]