Donne fatwa sans compétence

Ene dimoune ki pas fine formé clans ene façon professionnelle par banne professionnels dans Deen alors li haraam lors ça dimoune-là pou faire tafseer ou bien donne fatwa. Si ene dimoune conne anglais ou bien français ou bien urdu ou bien arab ça pas permette li prend ene livre lors tafseer ou bien ene livre lors fatwa et lire comme leçon divant banne dimounes si li pas fine formé dans ça domaine-là. Dans chaque domaine ena ene kitchose ki nou appelle "compétence". Ene dimoune ki pas fine formé li pas compétent. Alors faire ene travail sans ena la compétence appelle "embetter". Donc ene dimoune ki donne fatwa ou faire tafseer sans ena la compétence c'est ene dimoune ki pé embette public. Faudré pas alle apprane tafseer ou prend fatwa avec ene ki pas fine formé pou ça travail-là. Sinon la personne pou responsable acote Allah Ta'ala acoze li pas fine choisir dimoune avec ki li bizin apprane. Dans ene hadice. Rassouloullah ‎(Sallallaahou A'laihi Wasallam)‎ fine dire :

Quand travail de Deen vine dans la main banne ki pas compétent alors attane Qivaamat. Ça montré ki faire tafseer ou donne fatwa sans ki ou fine formé pou ça li ene signe de Qiyaamat.

[Extrait de Al Jamiat Vol.2 No.11]