Faire ou choix

Jouir ene ti pé pou souffert tout le temps ou bien souffert ene ti pé et jouir tout le temps. Si ou mesure et balance dans ou la cervelle li encore correct et li pe encore fonctionne bien, ou pou préfère souffert ene tigite et reste dans bien pou tout le temps. C’est ene l’examen de ou l’intelligence. C’est par ou façon de vive ki pou conné ou ene intelligent ou bien ena kit visse ki fine lasse dans ou la tête.

L’orgueil ki ene dimoune ena dans li, faire li croire ki li intelligent ou bien li même ki intelligent. Mais ene dimoune ki pé perdi ene tabissement acoze ene ti poignet la terre, ou appelle ça ene intelligent ! C’est ene ki fine bougé même ki pou capave appelle ene dimoune pareil, ene intelligent. Dans Qour’aan-e-Kareem, Allah Ta’ala fine montré nou c’est banne ki content le monde matériel ki ti fasciné et attiré par fortune ki Qaaroun ti possédé. Quant à banne ki ti ena la connaissance, zotte ti toujours satisfait et ti contente zotte avec récompense ki Allah Ta’ala fine réservé pou zotte dans Aakhirat. Ça contraste-là montré ki banne ki galoupe derrière dounia, zotte pas banne dimoune ki ena la vrai connaissance. C’est manquement de vrai connaissance de Deen ki faire ene dimoune pas conne valeur de Imaan. C’est ça même manquement ki amene ene dimoune pou sacrifié so Imaan, so Deen et so Aakhirat pou banne kitchose futile, inutile et ridicule. Quant à banne intelligents, zotte joué lors zotte la vie aussi si bizin, pou sauve zotte Deen et zotte Imaan parceki zotte conne valeur Imaan.

Dimoune ki conne guette valeur, li pou conne valeur ene objet en or, quand même ena la boue lors ça objet-là. Mais dimoune ki vraiment imbécile, pou contente li avec banne fantaisies ki joli ziste pou lizié.

[Extrait de Al Jamiat Vol.2 No.12]