Haraam et Halaal

Ene kitchose ki empêché ou bien ene kitchose ki permette, ça li bizin ena preuve pou ça. Si ça preuve ki pé empêche ene kitchose-là li ene preuve ki catégorique, alors nou appelle ça kitchose-là haraam.

Par exemple la viande porc li empêché par banne preuves catégoriques. Donc la viande porc li haraam. Donc haraam li ene degré de l'interdiction ki basé lors ene preuve catégorique.

Coumsa même halaal c'est ene kitchose ki permette et ki so preuve li catégorique. Li bien grave considère ene kitchose haraam comme halaal et vis-versa. Par faire ça erreur-là, ene personne nepli reste ene musulman. Li sorti en dehors l'Islam. Par exemple ene dimoune li conné Allah Ta'ala et so Rasool ‎(Sallallaahou A'laihi Wasallam)‎ fine déclare l'alcool haraam. Malgré ça, li considère li halaal. Alors ene dimoune pareil li nepli reste musulman. Coumsa même l'Islam fine permette ene zomme ena 4 madames. Mais ene dimoune dire ki ça li pas permette. Ça dimoune ki dire ça-là, li pas reste ene musulman parceki ene kitchose ki li halaal, li pé déclare haraam.

[Extrait de Al Jamiat Vol.3 No.5]