Manzere gousse = criminel social

C'est ene dimoune indigne ki prend bribe (mange gousse). Ene société cote tipti ziska so grand pé prend bribe, li ene société indigne malgré ki zotte capave paraite sociable. Ça manière mange gousse ki prévaloir à tout niveau, li brise l'avenir ene quantité ki compétent et ki fine faire la nuit lijour vine ene, pou zotte faire ene bon carrière mais malheureusement zotte fine reste attrape zotte ti boute papier dans zotte la main sans gagne l'occasion servi la société zisse acoze ki zotte pas fine "chanté" (donne gousse). Banne ki pas compétent fine arrive acote zotte pas ti mérité zisse acoze zotte appartenance sociale, ethnique ou politique. Valeur du jour nou trouve nou dans ene situation cotte banne compétent pé être dirigé par banne ki pas compétent. Nabi ‎(Sallallaahou A'laihi Wasallam)‎ fine dire dans ene hadice:

"Quand banne responsabilité important (poste clé) pou être confié à banne ki pas compétent pou ça, donc attane Qiyaamat."

[Extrait de Al Jamiat Vol.3 No.6]