Jihaad akbar

Taqwa ou bien l'obéissance à Allah Ta'ala li ena deux l'aspects. Ene ki concerne exécute banne commandements et deuxième ki concerne évite banne kitchose interdites.

Dans ça deux aspects-là, le deuxième aspect c'est-à-dire abstenir de banne kitchose ki empêché, li pli essentiel et pli important parceki ça même pli difficile. Rassouloulah ‎(Sallallaahou A'laihi Wasallam)‎ fine qualifié l'abstention de banne kitchose interdits de pli grand ibaadat. C'est par ça même qualité ki ene dimoune li vine pli grand Aabid (ene ki faire boucou ibaadat).

Dans ene l'autre hadice, Rassouloulah ‎(Sallallaahou A'laihi Wasallam)‎ fine qualifié ene ki combatte so nafs (désir) par reste dans l'obéissance Allah Ta'ala de ene véritable Mujahid (combattant).

A la lumière de ça hadice-là, le véritable Jihaad ki ene véritable Mujahid faire c'est combatte so nafs dans l'obéissance Allah Ta'ala. Donc ça montré ki le jihaad Akbar (pli grand jihaad) ki ene dimoune amené, c'est ene combat ki li faire contre so propre désir et plaisir injustifié. Ça c'est ene l'idée ki fine toujours approuvé par tous banne 'Oulama dans tous banne l'époques. C'est ene l'idée ki bénéficié l'appuye de l'ijma. Mais le fait ki combatte so nafs c'est le jihaad Akbar, faudré pas ça li diminué l'importance et la nécessité faire jihaad lors frontière. Quand bizin et cote bizin, chakene bizin assume so responsabilité d'après so capacité et dans la façon ki bizin.

[Extrait de Al Jamiat Vol.3 No.7]