Dounia

Depi ki ou fine vine dans ça dounia-là, ça dounia-là fine commence éloigné avec ou. Et chaque instant li pé éloigné avec ou. Perna li approché avec ou. Li couma dire ou content kikene ki pé vire so le dos avec ou.

Dounia pas fine vine pou kikene ni li pou vine pou kikene. Dounia c'est ene déception ou bien couma ene rêve. Ou rêve joli-joli kitchose mais quand ou rêve cassé, ou pas trouve narien apart ene regret. Ou bien li couma ene mirage ki donne ene l'image tout à faire différent de ceki li été. Dimoune ki galoupe en direction ene mirage pé vive dans illusion.

A noté ki tout kitchose ki approche ou avec Allah Ta'ala, c'est aakhirat quand même li en forme dounia. Et tout kitchose ki éloigne ou de Allah Ta'ala, c'est dounia quand même li ena ene forme de ibaadat. Donc vive pou aakhirat veut dire vive dans l'obéissance Allah Ta'ala en suivant le moubaarak tareeqah (principe sacré et béni) de Rassouloullah ‎(Sallallaahou A'laihi Wasallam)‎ avec l'unique but pou faire Allah Ta'ala plaisir.

[Extrait de Al Jamiat Vol.3 No.7]