Ki faire ???

• Ki faire mo quitte-quitte namaz quand mo conné ki namaz li obligatoire et ena grand péché dans quitte li?
• Ki faire mo blâme dimoune pou kitchose ki li pas fine faire quand mo conné ki ça li ene kitchose bien grave et ena ene grand punition pou ça?
• Ki faire mo pé agir comme ene dépotoir de saleté cotte dimoune pé jette zotte saleté pou mo fanne ça partout quand mo conné ki d'après Qour'aan ena ene punition bien pénible pou ça genre de bassesse-là?
• Ki faire mo honté pou garde la barbe quand mo conné ki li waajib et li ene principe de mo Nabi ‎(Sallallaahou A'laihi Wasallam)‎ ki mo pretanne content li plis ki mo la vie?
• Ki faire tous renseignements mo prend depi l'Arabie mais concernant la barbe mo cherche li depi l'Egypte zisse pou capave pas garde li et gagne ene chemin sorti? Eski ça li pas ene façon faire trick dans suive Deen?
• Malgré tout ça-là mo pretanne ki mo content Allah Ta'ala et so Rasoul ‎(Sallallaahou A'laihi Wasallam)‎. Eski pas l'heure pou mo être sincère dans ceki mo pretanne par corrige mo-même?

[Extrait de Al Jamiat Vol.3 No.10]