Kitchose ki bizin pas consommé dans ene zanimau!

Du sang li impure. Qour'aan-e-Kareem fine empêche consomme du sang et fine déclare li haraam. Donc pas gagne droit consomme du sang. Acoze ça shariah fine ordonne pou faire zabah ene zanimau pou ça zanimau-là vine halaal. Faire zabah, ça li permette tout banne du sang impure sorti depi dans ene zanimau. Qour'aan-e-Kareem appelle ça du sang-là "dam masfooh" c'est-à-dire ene du sang ki circulé dans la veine. Et c'est ça même du sang ki li impure et li haraam. Ene du sang ki reste dans la viande, li pas impure et pas haraam pou consommé.

Coumsa même l'organe sexuel, testicule, la vessie, la bile noire etc. c'est banne kitchose ki pas gagne droit consommé depi dans ene zanimau.

[Extrait de Al Jamiat Vol.3 No.11]