Qurbaani

Anesthése ene zanimo

Anesthése ene zanimo avant faire li zabah c’est ene pratique ki en principe pas permette. Position ene zanimo ki fine faire zabah dans ene tel condition li pou halal dans le cas quand ena l’assurance ki zanimo-là ti vivant quand ti faire li zabah. Si pena ça garantie-là, alors zanimo-là aussi pas pou halal.

الاضحية - QOURBAANI

Ena plusieurs façons lire الاضحية :

  1. Uzhiyyah              
  2. Uzhi-yah
  3. Izhiyyah              
  4. Izhi-yah
  5. Zahiyyah              
  6. Zihiyyah
  7. Az-haa                  
  8. Iz-haa

Définition :

هى ذبح حيوان مخصوص بنية القربة فى وقت مخصوص

Decision Jamiatul Ulama de Maurice concernant zanimo Qourbani 2016

Etant donné ki ena ene problème maladie concernant banne zanimo qourbani, le JUM pe conseille banne musulmans pou guette bien avant zotte faire qourbani. Pas faire qourbani ene zanimo tanque ki ou pas assuré ki zanimo-la li en bonne santé. Au cas contraire ou ena ene option avoye li à l'extérieure.

Par Mufti M.R.Meerun

07.09.2016

Hadice

Hazrat Umme Salamah rapporté ki Nabi ‎(Sallallaahou A'laihi Wasallam)‎ fine dire :

« Quand les dix jours (de Zulhijjah) rentré et kikene parmi ou fine faire l’intention pou faire qurbaani, alors li bizin pas touche so cheveux ni so la peau. »

Faire qurbaani de la part de ene l’autre

Ene dimoune ki possède le nisaab, li bizin faire so qurbaani. Si chaque l’année li ena le moyen, alors chaque l’année li bizin faire qurbaani.

Nisaab de qurbaani

Le montant de nisaab de qurbaani et zakaat li pareil. C'est-à-dire la quantité ki ene dimoune bizin possédé pou zakaat vine obligatoire lors li, ça même quantité li bizin possédé pou qurbaani appliqué lors li. Mais ena ene ti différence entre les deux. Ena kitchose ki pas considéré dans calcule nisaab de zakaat mais li considéré dans qurbaani. En ceki concerne zakaat, ene dimoune bizin possède la valeur et le montant en forme la monnaie liquide, l’or, l’argent et marchandise de commerce.

Le problème faire qourbaani à l’extérieur !

Li pli bon ki ene dimoune li faire so qourbaani dans so l’endroit même parceki ena certaine pratiques ki bien recommandé ki li pas pou capave observé si li faire li ailleurs. Quand nou dire ki li pli bon, ça veut dire ki li permette faire li ailleurs aussi. Mais si acoze facilité et meilleur marché dimoune choisir pou faire qourbaani à l’extérieur et li prend ene grand l’ampleur, alors li possible ki nou arrête trouve ça pratique-là existé dans nou pays. Qourbaani li ene Shi’aar (emblème/symbole) de l’Islam ki bizin préservé.

Syndicate content