Hadice

Hazrat Umme Salamah rapporté ki Nabi ‎(Sallallaahou A'laihi Wasallam)‎ fine dire :

« Quand les dix jours (de Zulhijjah) rentré et kikene parmi ou fine faire l’intention pou faire qurbaani, alors li bizin pas touche so cheveux ni so la peau. »

D’après ça hadice-là, ene dimoune ki ena l’intention faire qurbaani, li bizin pas taille zongle ni tire kit cheveu ou moustache quand le mois de Zulhijjah fine commencé. Et li donne l’impression en quelque sorte ki li waajib (obligatoire). Mais nou ena ene l’autre hadice ki indique le contraire. C’est ene hadice ki rapporté par Hazrat Aisha ‎(Radiyallahou anhou‎)‎. C’est ene hadice ki bénéficié ene degré de l’authenticité impé pli avancé ki nou appelle hadice Moutawaatir. Selon ça hadice-là, Nabi ‎(Sallallaahou A'laihi Wasallam)‎ pas ti pé abstenir de aukene kitchose ki ene personne en état ihram bizin évité. Quand nou compare le hadice de Hazrat Aisha ‎(Radiyallahou anhou‎)‎, nou trouve ene genre de contradiction ki dimane être élucidé. Pou les savants de hadice, pena aukene contradiction parceki contradiction li existé entre deux preuve de même calibre. Or le hadice de Hazrat Aisha ‎(Radiyallahou anhou‎)‎ li boucou pli solide et pli fort ki le hadice Hazrat Umme Salamah ‎(Radiyallahou anhou‎)‎. Mais le hadice de Hazrat Umme Salamah ‎(Radiyallahou anhou‎)‎ aussi li authentique. Donc pou réconcilié entre les deux, zotte dire ki basant lors hadice Hazrat Aisha ‎(Radiyallahou anhou‎)‎, taille zongle, taille moustache et enlève lezot cheveux indésirable li pas haraam ni empêché quand le mois de Zulhijjah commencé pou ene ki ena l’intention faire qurbaani. Quand à hadice de Hazrat Umme Salamah ‎(Radiyallahou anhou‎)‎, li prouvé ki c’est ene pratique recommandé. C'est-à-dire ena récompense pou celui ki faire li et pena aukene blâme lors celui ki pas faire li.

[Extrait de Al Jamiat Vol.7 No.7]