Qurbaani

Qourbaani ou sadaqah ?

Ene dimoune ki ena le moyen li bizin faire so qourbaani quand même li gagne so part qourbaani en cadeau ou bien li fine gagne li meilleur marché. Sadaqah ou khairat ki li pou faire, li pas pou dispense li de so l’obligation de qourbaani quand même la somme ki li fine donné en sadaqah li capave ene somme très élevé aussi. Par exemple li capave donne 2 à 3 cent mille en sadaqah mais so qourbaani pou reste lors so la tète tanque ki li pas faire li. Ça sadaqah-là pas pou faire li acquitté de so responsabilité de qourbaani.

Lors ki sanla qourbaani waajib ?

Question : Lors ki sanla qourbaani waajib ?

Réponse : Qourbaani li waajib lors ene musulman ki li majeur, sain d’esprit et ki ena le moyen pou faire li et ki li pas en voyage.

Question : Ki veut dire ene dimoune ki ena le moyen ?

Qourbaani

Rassouloullah ‎(Sallallaahou A'laihi Wasallam)‎ fine adopté ene ton assez sévère à l’égard de celui ki pas faire Qourbaani malgré ki li ena le moyen. Li fine ziska même empêche ene personne pareil approché avec Eidgah. Ene ton sévère pas capave adopté lors ene action ki optionnelle. Li bizin ene action ki important et obligatoire. Ça ton sévère-là fine adopté lors pas faire Qourbaani malgré ki ena le moyen pou faire li. Donc ça prouvé ki Qourbaani li waajib (obligatoire) lors ene personne ki ena le moyen.

Kitchose ki bizin pas consommé dans ene zanimau!

Du sang li impure. Qour'aan-e-Kareem fine empêche consomme du sang et fine déclare li haraam. Donc pas gagne droit consomme du sang. Acoze ça shariah fine ordonne pou faire zabah ene zanimau pou ça zanimau-là vine halaal. Faire zabah, ça li permette tout banne du sang impure sorti depi dans ene zanimau. Qour'aan-e-Kareem appelle ça du sang-là "dam masfooh" c'est-à-dire ene du sang ki circulé dans la veine. Et c'est ça même du sang ki li impure et li haraam. Ene du sang ki reste dans la viande, li pas impure et pas haraam pou consommé.

Bizin fini faire prix zanimau ki pou faire Qourbaani avant coupe li!

Ene zanimau ki ou faire Qourbaani, li bizin fini vine pou ou avant verse so du sang sinon ou qourbaani pas pou compté. Pou ça zanimau-là vine pou ou, ou bizin fine fini acheté li avant coupe li. Si ou pencore faire prix pou ça zanimau-là quand pé coupe li, ça veut dire ki ça zanimau-là li pencore vine pou ou. Li encore pou so propriétaire. Acoze ça bizin guette bien. Boucou dimoune zotte ena l'habitude faire prix zanimau-là d'après poids ki li donné quand fini coupe li. Zotte pas faire so prix avant ça.

Qourbaani

Qourbaani li wajib (obligatoire) essentiellement lors ene dimoune ki ena le moyen.

Ene dimoune ki ena le moyen veut dire ene dimoune ki ena dans so possession la somme de cinq ou six mille roupies ou ça valeur-là dans n’importe ki forme apart so banne nécessités de base et so banne dettes.

Qourbaani

Hazrat Abou Hourairah ‎(Radiyallahou anhou‎)‎ fine rapporté ki Rassouloullah ‎(Sallallaahou A'laihi Wasallam)‎ fine dire : « Celui ki ena le moyen et li pas faire Qourbaani, alors li bizin pas approché avec nou Mouswallaa – (Eidgah). » (Ibn Majah/Mousnad Ahmad/Mouswanaf Ibn Abou Shaibah/Ad-Daarqutni/Moustadrak Al-Haakim)

Syndicate content