Ene mauvais l'envi

Ena tout qualité l'envi dans ça dounia-là. Nou ena ene mauvais l'envi ki en vigueur partout. Et c'est l'envi pou paraite ceki nou pas été. Surtout banne jeunesses de nos jours ki ena ça mauvais l'envi-là. Dans l'envi pou paraite couma tifille, banne garçons pé quitte longue la queue cheveu, et pé mette zanneau. Li pas étonnant si demain zotte pou l'envi mette 'phoulli' dans néné. Nou encore rappelle ki longtemps, ti pé qualifié banne acteurs ki manque masculinité acoze ki zotte trop ploré, de banne acteurs zanneau. Zordi nou pé trouve banne jeunesse zanneau. Si Allah Ta'ala fine créé ou ene zomme, ou bizin satisfait de ceki ou été. Ena malédiction Allah lors banne zomme ki donne zotte ene "look féminin". Coumsa même ena malédiction Allah lors banne madame ki donne zotte ene " look masculin". A noté ki pas garde la barbe aussi li faire ou gagne ene look féminin.

Zordi jour nou pé prend ça kitchose-là bien simple. Li bien chagrinant pou trouve banne personne à la tête de banne organisation islamique ki perna la barbe. Couma dire zotte peur ou soit zotte honté pou garde li. Ça banne dimoune-là capave pretanne ki malgré tout ça-là, zotte l'intérieur li bien bon et zotte bien sincère. Ça li couma dire ene mangue bien vert avec ene l'intérieur bien mur. Capave ena li mais li bien tigite dans tigite.

[Extrait de Al Jamiat Vol.3 No.11]