Contact avec Allah Ta'ala

Ene pays li capave bien strict. So banne la loi capave bien sévère. Capave ena ene quantité problème là-bas. So banne procédure bien long et bien difficile. Mais si ou ena contact avec dimoune ki bizin, ou problème capave résoudre ene ti mama et avec boucou facilité. Quand ou bien avec banne ki à haute niveau, tout kitchose vine facile pou ou. Coumsa même quand ou ena ene bon contact avec Allah Ta'ala, tout vine facile dans ça le monde ki rempli avec boucou problèmes. Ou établir bon contact avec banne dirigeants dans ene pays par faire campagne dans zotte faveur. Ici ou bizin faire zeffort pou propage Deen pou capave gagne contact avec Allah Ta'ala. Deen li propagé par apprane li, pratique li et transmette li. C'est dans ça façon-là ki nou établi nou contact et nou renforci nou relation avec nou Rabb. Allah Ta'ala so aide li assuré pou ene ki faire travail de Deen avec sincérité.

[Extrait de Al Jamiat Vol.3 No.14]