La politique

La politique li couma dire ene lion féroce. Si ou pas maîtrise li, li pou dévore ou. Combien ena coumsa ki fine être dévoré. Et combien ena encore ki pé attane pou être dévoré. Donc li pas facile. Si ou fine réussi sorti là-bas brèche-brèché aussi, li encore bon et ça ou chance ça mais en principe ceki fine rente là-dans, pas fine retourne sain et sauf.

Tout dimoune ki rente là-dans, zotte pretanne zotte sincère ki pé envi servi le peuple. Ça prétention-là ki quantité li vrai, ça Allah Ta'ala même conné. Laisse le temps joué so rôle et montré nou la vérité.

Sinon chaque dimoune bizin conné ki sans manqué li pou trouve la vérité. Faire ceki ou oulé faire entre lizié ouvert et lizié fermé parceki li pas trop loin pou ça lizié-là fermé et ou trouve le vrai cinéma ki ou fine faire avant ou lizié fermé.

[Extrait de Al Jamiat Vol.4 No.1]