Fausse salafi

A Maurice nou ena ene groupe ki qualifié zotte même de banne Salafi. Mais pourtant zotte pas suive banne Salaf. Bé ki manière zotte capave appelle zotte Salafi? Acoze ça li paraite pli vrai ki zotte banne fausse Salafi ki pé gâte l'image de Salaf partout. Le Salaf zotte d'accord ki 3 talaaq ki donné dans ene seul coup, li compte 3 même. Mais zotte dire ki ça li compte ene seul. Ça montré ki zotte pas banne vrai Salafi, zotte banne fausse Salafi. Nou remarqué ki zotte suive Allaamah Bin Taimiyyah (R) aveuglement. Parceki ou capave mette tout divant zotte mais zotte pou suive ceki Allaamah Bin Taimiyyah (R) fine dire. Li paraite ki ceki Allaamah Bin Taimiyyah (R) fine dire, ça même pli grand preuve pou zotte. Et couma ou cause Allaamah Bin Taimiyyah (R) avec zotte, ça suffit pou faire zotte arrête causé. Par exemple ena banne hadices cotte montré ki Rassouloullah ‎(Sallallaahou A'laihi Wasallam)‎ fine compte 3 talaaq comme 3 talaaq même. Mais zotte pas fine hésité ignore ça pou dire ki li compte ene seul pou la simple raison ki Allaamah Bin Taimiyyah (R) considère ça comme ene seul. Ça donne nou raison pou dire ki zotte suive Allaamah Bin Taimiyyah (R) aveuglement.

Coumsa même zotte critique ene livre ki appelle Fazail-e-A'maal. Mais quand montré zotte ki ça kitchose ki zotte pé critiqué-là li trouve dans livre de Allaamah Bin Taimiyyah (R), zotte perdi parole. Zotte nepli conné ki zotte pou faire. Depi plis ki 2 banané pé attane zotte même pou donne explication, mais zotte pé déclare sourd. Zotte faire semblant pas conné zisse pou embette banne ki pas conné. Zotte essaye pou cachiette zotte derrière banne polémiques inutile mais zotte pena le courage repone ceki bizin repone parceki si zotte repone, tout la vérité pou dehors et tous dimoune pou conne zotte vrai visage.

[Extrait de Al Jamiat Vol.4 No.2]