Abus de pouvoir

Ene dirigeant juste li pas abuse ça pouvoir ki li ena lors so le peuple. Li guette tout so le peuple pareil et li applique la loi lors chaque individu équitablement. Selon ene hadice ki trouve dans Sahih Boukhari et Mouslim, ene madame de la communauté juive ki ti sorti depi dans ene grand famille fine coquin. Nabi ‎(Sallallaahou A'laihi Wasallam)‎ fine ranne verdict pou coupe so la main. Banne dimoune fine trouve ça boucou dure et zotte fine oulé ki Nabi ‎(Sallallaahou A'laihi Wasallam)‎ change so verdict. Zotte fine même délègue Hazrat Oussama ‎(Radiyallahou anhou‎)‎ ki Nabi ‎(Sallallaahou A'laihi Wasallam)‎ ti content li boucou pou cause avec Nabi ‎(Sallallaahou A'laihi Wasallam)‎ lors ça sujet-là. Nabi ‎(Sallallaahou A'laihi Wasallam)‎ fine bien en colere avec li et fine faire ressortir ki c'est ça même manière ki fine detruire banne peuple auparavant acoze ki zotte ti pé applique la loi lors banne ti dimoune. Quant à banne grand dimoune, zotte ti au delà de tout banne la loi. En plis de ça, Nabi ‎(Sallallaahou A'laihi Wasallam)‎ fine faire conné ki la loi Allah Ta'ala c'est ene kitchose ki bizin appliqué équitablement sans aukene discrimination et sans aukene partie pris pou kikene à tel point ki si par hasard Hazrat Fatimah ‎(Radiyallahou anhou‎)‎, ti fille Nabi ‎(Sallallaahou A'laihi Wasallam)‎ ti arrivé faire li, li ti pou passe là-dans.

[Extrait de Al Jamiat Vol.4 No.2]