Pas dénigré to prochain

En temps ki ene être humain, chakene ena ene dignité ki bizin être préservé. Faudré pas kikene prend l'honneur so camarade et li dénigré li. Ene dimoune ki pé subir ene certaine genre de dénigrement zordi, capave li aussi li fine dénigré kikene auparavant. Et ça dimoune ki pé dénigré so camarade zordi, li bizin attane ki demain kikene capave dénigré li.

Donc si ou pé faire kikene souffert par dénigré li zordi, pas bizin en colère si demain kikene faire ou souffert. Mais si ou pencore gagne batté-rendé, ou ena chance barre li. Ou ena necque pou repentir et ou présente ou excuse à la personne concernée. Sinon ça dounia-là li couma ene écho. Ceki ou causé, ça même causé ou gagné en retour.

[Extrait de Al Jamiat Vol.4 No.2]