Pas appelle gheebat

Gheebat veut dire cause causé négatif lors ene dimoune derrière so le dos et dévoile so mauvais manière divant dimoune avec l'intention pou dénigré li. Ça kitchose-là li pas permette. Mais si dans cachiette so défaut, nou trouvé ki ça pou faire lezot du tort, à ce moment-là li nou responsabilité pou nou dévoile so défaut. Et ça façon dévoile défaut-là li pas appelle gheebat.

Par exemple si nou conne kit défaut dans ene garçon ki pé avoye demanne quelque part, alors si nou reste tranquille, nou pou mette toute ene la famille dans difficulté. Peut être si nou averti la famille concerné, zenfant dimoune pas ava tombe dans piège banne malfaiteurs. Par cela nou pou faire ene grand du bien pou toute ene la famille. Alors ça façon dévoile défaut-là pas appelle gheebat. Au contraire li ene bienfait.

[Extrait de Al Jamiat Vol.4 No.10]