Deen et la paix

De jour en jour la vie pé vine difficile. Dimoune nepli ena sécurité so la vie, so du bien, so la famille et so dignité. Parceki banne la loi ki ti capave garantie sécurité dimoune en général, ça même ki dimoune pé refuse accepté.

Banne la loi couma lapidation, la peine capitale ou bien coupe la main, dimoune pé traite ça de barbare. Mais dimoune ignoré conné ki banne ki traite ça de barbare, c’est banne ki pé faire plis ki ça. Ki sanla pas conne ça martyre ki banne prisonniers pé passé dans zotte la main. Si ça pas appelle barbare, bé veut dire ki pena narien de barbare ki existé dans ça le monde-là. Malgré tout ça-là zotte trouvé ki zotte ena ene dictionnaire apart ki définir toute sorte tyrannie et dominere ki zotte faire par justice et la paix.

Donc ki faire bizin rejette la loi lapidation en cas de viol quand ça li garantie sécurité pou toute ene société. Si ti ena banne la loi pareille, pas ti pou ena banne bassesse ki banne dimoune fine commette avec nou banne zenfant de 2 ans ou bien avec nou banne mamans de 70 ans ou 80 ans.

C’est grâce à nou l’attitude soutireur ki zordi nou pé trouve nou dans ene dégradation pareille cote nou maman et nou sœur pena sécurité.

Pou nou comprend nécessité banne la loi pareille, laisse nou étudié ene cas :

Si banne dimoune ki fine détourne ene avion rempli avec banne passagers et pé vine crase ça lors ene point stratégique dans nou pays, dans ça cas-là ki bizin faire ? Eski bizin pas interfère avec ça avion-là acoze ki ena banne passagers innocent là-dans ou bien bizin éclate avion-là si fallait, zisse pou ça pas faire ene pli grand dégât cote ene nombre assez conséquent de banne dimoune capave perdi zotte la vie ?

D’après l’Islam bizin éclate ça avion-là. Pas bizin prend compte banne innocent ki capave perdi la vie dans ça opération-là. Parceki ça li sécurise et garanti la vie la grande majorité par sacrifié ene ti minorité. Et nou pense pas ki ena kit la loi ki capave suggère différemment dans ene cas pareil. C’est ça même philosophie derrière tous banne la loi ki fine établi par shariah. C'est-à-dire li préconise banne punitions très sévère pou banne malfaiteurs ki en minorité afin pou accorde la sécurité à la pli grande majorité. A ce stade bizin comprend ki si shariah fine mette banne sanctions très sévère, li fine aussi impose banne conditions bien stricte pou applique ça banne sanctions-là. Ene simple doute li suffit parfois pou sanction-là tombé.

Zordi jour si insaan pé vive dans l’insécurité et dans la frayeur, c’est li même ki coupable parceki li fine toujours soutire banne coupable et li fine choisir pou vive dans ene tel l’état par vire le dos avec la loi Allah Ta’ala.

[Extrait de Al Jamiat Vol.4 No.13]