Travail pou faire sadaqah

(لان ياخذ احدكم حبله فياتى بحزمة حطب على ظهره فيبيعها فيكف الله بها وجهه خير له من ان يسال الناس اعطوه او منعوه (البخارى

"Ki ene dimoune li prend so la corde et li charrié ene paké dubois lors so le dos ki li capave vendé et par ça Allah Ta’ala li sauve so dignité, ça li pli bon pou li ki li dimane dimane dimoune ki capave donne li ou bien ki capave refusé donne li." (Boukhari)

D’après ça hadice-là, ene dimoune bizin tanque possible prend so responsabilité et diboute lors so li pied. Quand même li faire ene dernier ti travail cote li capave subir ene certaine difficulté pou gagne so la vie mais honnêtement et dans dignité. Vaut mieux ça ki li talle la main divant dimoune.

Ene dimoune li bizin pense tout le temps pou donné ki dimandé. Li bizin garde so l’esprit haute pou aide so prochain au lieu attane aide avec kikene.

Banne Sahaba-e-Kiraam ti pé même alle travail comme porteur dans bazaar pou zotte capave faire sadaqah dans chemin Allah Ta’ala. Et pourtant zotte ti bien misère et zotte ti ena tout raison pou vine bénéficiaire au lieu donateur. Mais zotte ti préfère vine donateur ki vine bénéficiaire. Contrairement à ceki nou pé trouvé zordi jour, banne Sahaba-e-Kiraam ti ena l’esprit donné ki dimandé. Non seulement zotte pas ti pé demandé mais zotte ti pé refuse prend quand kikene ti pé donne zotte sans dimandé aussi. Chakene ti pé pensé ki so prochain li pli mérité ki li même.

[Extrait de Al Jamiat Vol.5 No.1]