Sadaqah

Pas gagne droit dimandé

Vaut mieux dimandé ki coquin. Ça li bon dans so place mais dimandé aussi li ene déshonneur si faire li sans aukene nécessité. D’après shariah li pas permette pou dimandé si ou ena de quoi ki capave satisfaire ou banne besoin pendant ene jour. Coumsa même li pas permette pou donne ene dimoune pareille quand li pé dimandé parceki li pou ene encouragement pou faire ceki pas permette. Jour qiyamat pou ena banne dimoune ki pou présenté avec zotte visage ki pas pou ena aukene boute la chaire lors-là. C’est banne dimoune ki zotte dimandé sans ki zotte dans le besoin.

Sadaqah

Ou donne ene dimoune ene kitchose ki li bizin. Ou donne ça zisse pou le plaisir Allah Ta'ala. Ou pas attane narien en retour avec li. Ça appelle sadaqah.

Sadaqah li ene signe et ene indication Imaan de ene dimoune sinon pena aukene raison pou ene dimoune accepté donne ene parti de so richesse à quelqu'un ki ena de fois li inconnu, sans atane kitchose en retour dans ça le monde-là. Li attane ni remerciement, ni applaudissement ni l'honneur. Ceki li attane c'est uniquement le plaisir d'Allah Ta'ala.

Principe concernant donné

Quand donne kikene ene kitchose, bizin donne li avec sincérité zisse pou faire Allah Ta’ala plaisir. Bizin donne depi dans ene kitchose ki halaal. Bizin choisir bon kitchose pou donné. Pas necque choisir banne rebutage pou donné.

Travail pou faire sadaqah

(لان ياخذ احدكم حبله فياتى بحزمة حطب على ظهره فيبيعها فيكف الله بها وجهه خير له من ان يسال الناس اعطوه او منعوه (البخارى

"Ki ene dimoune li prend so la corde et li charrié ene paké dubois lors so le dos ki li capave vendé et par ça Allah Ta’ala li sauve so dignité, ça li pli bon pou li ki li dimane dimane dimoune ki capave donne li ou bien ki capave refusé donne li." (Boukhari)

Ene calcul apart

Nou ena deux system calcul. Ene dans dounia et ene l’autre ki concerne Allah Ta’ala. Si nou servi ene somme depi dans ene certaine source ki nou possédé, sans doute ça somme-là li pas pou reste pareil. Li pou diminué ziska li capave fini aussi. Mais trésor Allah Ta’ala li ene qualité trésor ki d’abord nou pas capave conne so profondeur. Deuxièmement jamais li diminué ni li augmenté. Et troisièmement jamais li pou fini. Dans Qour’aan-e-Kareem Allah Ta’ala dire: 

L'état d'esprit dans faire sadaqah

Ene dimoune d'abord li faire li même du bien quand li aide kikene. Parceki dans aide kikene, ene dimoune li récolté énormément. Ça dimoune ki li pé aidé-là li couma dire ene la terre. Par sème quelque chose dans la terre, ene dimoune li faire li même du bien. Parceki so récolte li retourne avec li même. Donc ene dimoune li faire li même du bien par faire sadaqah parceki récompense de ça sadaqah-là li pou retourne avec li même. C'est li même le bénéficiaire principal dans tout ça-là.

La monnaie haraam et sadaqah

Imaam Soufyaan Ath-Thawri rahmatoullahi 'alayh dire : "Ene dimoune ki dépense la monnaie haraam dans bon kitchose, li couma dire ene dimoune ki pé nettoye ene linge avec l'urine."

Li très normal ki ça linge-là li pou vine pli impure. Donc ene la monnaie ki fine gagné dans ene façon haraam couma loterie par exemple pas capave être purifié par donne ene parti là-dans comme sadaqah.

[Extrait de Al Jamiat Vol.2 No.11]

Syndicate content