Sadaqah

Ou donne ene dimoune ene kitchose ki li bizin. Ou donne ça zisse pou le plaisir Allah Ta'ala. Ou pas attane narien en retour avec li. Ça appelle sadaqah.

Sadaqah li ene signe et ene indication Imaan de ene dimoune sinon pena aukene raison pou ene dimoune accepté donne ene parti de so richesse à quelqu'un ki ena de fois li inconnu, sans atane kitchose en retour dans ça le monde-là. Li attane ni remerciement, ni applaudissement ni l'honneur. Ceki li attane c'est uniquement le plaisir d'Allah Ta'ala.

Ena dimoune li capave faire li aussi par pitié ki li ena pou so prochain et li capave pas ene musulman. Mais li pou intéresse pou faire publicité de ça ou bien li pou content si dimoune conne ça par zotte même. Ene désir pareil li disqualifié et invalide ene donation comme sadaqah. Ça genre de donation-là li pas ene sadaqah ki li ene signe de imaan. Au contraire ena banne conséquences graves ki ene dimoune pou bizin subir pou ene genre de sadaqah semblable. D'après hadice ene dimoune pareil pou traîné par so figure et pou jette li dans difé l'enfer. Quant à ene musulman ki sincère dans so sadaqah, li pou garde li ene secret entre li et so Rabb. C'est ça genre de sadaqah-là ki li ene indication de Imaan et li ene investissement bien rentable.

Ça marge de profit ki ou gagné dans faire sadaqah, li pas réalisable dans aukene investissement. Couma commencé ou gagne 10 pou chaque unité et li multiplié ziska 700 fois et pou certaine dimoune li augment ziska ene quantité ki pas capave faire calcul. Acoze ça banne Sahaba-e-Kiraam ‎(Sallallaahou A'laihi Wasallam)‎ ki pas ti ena narien pou donné, ti pé alle travail comme porteur dans bazaar pou capave dépensé dans chemin Allah Ta'ala ceki zotte gagné. Cela acoze zotte ti conne so bénéfice. D'après hadice, ene tamme ki fine donné en sadaqah pou vine dans grandeur ene montagne jour qiyaamah. Donc bon nouvel pou banne ki envi investi dans aakhirat.

[Extrait de Al Jamiat Vol.6 No.4]