L’habillement

L’habillement ene dimoune li ena ene l’effet lors li. Par exemple si li mette costume cravate, li pou ena ene certaine l’attitude ki li capave pena li quand li mette ene kurta et ene bonnet lors la tête. Avec so kurtah et bonnet, li capave paraite ene ti pé pli humble. Et dans li même li capave senti li ene ti pé pli près avec Deen. Par contre avec banne battage et banne la mode ki en vogue et ki reste change-changé, ene dimoune li vine victime de banne maladies grave couma vantardise et l’orgueil. So le temps, so l’énergie et so la monnaie fini derrière banne kitchose inutile. Et ça aussi zisse pou ene tigite le temps et pou faire plaisir lizié dimoune.

Shariat fine empêche ene zomme habille dans manière banne madame et vis versa parceki zomme capave développe manière madame et madame capave développe manière zomme. Et faudré pas ena ça. Chakene bizin reste dans le cadre ki shariat fine tracé pou li. Acoze ça même, zomme pas gagne droit mette linge la soie parceki ça li développe ene certaine féminité dans ça zomme ki faire li là.

[Extrait de Al Jamiat Vol.5 No.2]