Fausse l’espoir

Banne ki oulé repentir de banne péché, zotte bizin pas découragé. Allah Ta’ala li Grand Pardonneur. Necque ena pou dimane Allah Ta’ala pardon. Allah Ta’ala pou dresse tout.

Mais faudré pas ene dimoune li encouragé pou faire péché acoze ki Allah Ta’ala li Grand Pardonneur. Abuse bonté jamais ti ene bon manière. Dimoune intelligent pas boire poison lors l’espoir antidote. Coumsa même ene dimoune sage et intelligent pas faire péché lors l’espoir ki li pou faire gracié li par tawbah. La vie li pas dans nou la main. Ki conné ou pas gagne le temps faire tawbah. Après ça, tawbah pas veut dire necque dire tawbah-tawbah avec la bouche. Bizin ena regret et remord dans le cœur et détermination pou pas refaire li dans l’avenir pou tawbah accepté. Ene dimoune ki faire péché lors l’espoir ki li pou faire tawbah plitard, capave pas gagne la chance et le tawfeeq ena regret quand li faire tawbah. Dimoune imbécile et ki ena folie grandeur ki joué avec so la vie coumsa. Couma pou appelle ene ki joué avec so Deen et so aakhirat quand nou conné ça li pli important ki la vie dans dounia ? C’est ene fausse l’espoir. Arrête reste dans noir. Après poison, antidote to pou boire. Eski pou gagne le temps, to croire ?

[Extrait de Al Jamiat Vol.5 No.4]